Grupi i synuar: të rinjtë në përgjithësi me fokus të veçantë tek të rinjtë me më pak mundësi si të rinjtë nga zonat rurale, të rinjtë nga minoritetet, të rinjtë me aftësi të kufizuara, të rinjtë që përballen me probleme sociale dhe ekonomike.

BBA ka shumë përvojë në punën me të rinjtë dhe edukimin jo-formal dhe deri më tani ka organizuar, udhëhequr dhe ka qenë partner në qindra aktivitete dhe projekte në nivel rajonal dhe ndërkombëtar. Që nga viti 2011 dhe deri më tani ne jemi pika e kontaktit për programin Erasmus plus dhe European Solidarity Corps.

Organizata BBA ka organizuar shumë aktivitete të tjera në të kaluarën lidhur me edukimin për të drejtat e njeriut, demokracinë dhe pjesëmarrjen aktive, përfshirjen dhe barazinë, barazinë gjinore, mësimin ndërkulturor, sipërmarrjen, aktivitetet sportive dhe dixhitalizimin e inovacionin në nivel lokal, kombëtar dhe evropian. Nëpërmjet projekteve tona ne i udhëzojmë të rinjtë tanë që të fuqizohen dhe të kuptojnë më mirë diversitetin kulturor, rëndësinë e tolerancës dhe i ndihmojmë ata të reflektojnë mbi fenomenet sociale si racizmi, ksenofobia, paragjykimet dhe si mund të punojnë për barazinë dhe pranimin.